Mañuetako Udalak, Samaniegokoak eta baita Villabuenakoak ere, Guardia-Arabako Errioxako Kuadrillarekin batera udalekuak antolatu dituzte datorren uztailerako.

Aipatutako herrietan egingo dira Kuadrilla eta Udalen arteko elkarlanaz antolatutako udaleku euskaldunak.

Uztailaren 15etik 30era izango dira denak ala denak eta ordaindu beharreko prezioa 60 eurokoa da.

Ordutegiei dagokienez, aldaketak daude batetik bestera, baita haurren adin tartean ere.

MAÑUETA eta SAMANIEGOREN kasuan, udalekuen topalekua herriko erabilera anitzeko aretoa izango da. Bertan bilduko dira 5 eta 12 urte bitarteko haurrak 10:30etatik 13:30era.

VILLABUENAKO udalekuak, ordea, 4 eta 10 urte arteko umeei zuzenduak dira eta kultura etxean izango dira 11:00etatik 14:00etara.

Izena emateko epea irekita egongo da ekainaren 28ra arte. Horretarako, haur bakoitzeko fitxa bete eta dagokion udaletxean aurkeztu beharko da kuota ordaindu izanaren ziurtagiriarekin batera.

Udaleku hauen helburu nagusia da haurrei opor garaian ondo pasatzeko aukera ematea da horretarako aisialdiko jarduerak eginez, hala nola, eskulanak, talde-jolasak, abestiak, antzerkia, txangoak... Hori guztia euskaraz. Horrekin lortuko dugu etxeko txikiek oporretan euskararekiko kontaktu linguistikoa ez galtzea, euskara balio positiboekin eta aisialdiko esperientzia onekin lotzea (eskola esparrutik kanpo aterata) eta tresnak ematea erabileran laguntzeko.

Horretaz gain hezkidetza, kulturartekotasuna, ingurumenarekiko errespetua... bezalako balioak ere landuko dituzte bertan.

Uste dugu jarduera hau aukera ona dela lan hezigarria gauzatzeko, aisialdiaz gozateko, elkarbizitza sustatzeko eta haurren soziabilitatea garatzen laguntzeko.

Zalantzarik izanez gero edo informazio gehigarririk behar izatekotan, Kuadrillako egoitzara dei dezakezue (945 600 252 zenbakira) lanegunetan 8:00etarik 15:00etara eta Animatzaile Soziokulturalarengatik, Aitor, edo Euskara Teknikariarengatik, Haizea, galdetu.

ANIMATU ETA PARTE HARTU EUSKARAZKO UDALEKUETAN! HAURREK PRIMERAN PASAKO DUTE!

ERANSKINAK (IZENA EMATEKO FITXAK):

JOLAS_TXOKOAK_2019_Mañueta_elebitan.pdf

JOLAS_TXOKOAK_2019_SAMANIEGO_elebitan.pdf

JOLAS_TXOKOAK_2019_ESKUERNAGA_elebitan.pdf

17 eta 35 urte bitarteko gazte arabarra bazara eta sormena pil-pilean badaukazu, hau da zure aukera zure lana ezagutzera emateko. Gainera beka ekonomikoa eta aholkularitza profesionala irabaz ditzakezu.

Abian da Gasteizko Udalaren "Gazte Sortzaileak BEKA"

Zer eskatzen da:

• Ahozko ekitaldi kultural bat sortzea eta burutzea.
• Izan daiteke antzerkia, bakarrizketa, musika, bertsolaritza, poesia-emanaldia, ikus-entzunezkoa, performancea, diziplinen arteko nahasketa…
• Ahozkotasunarekin estu-estu lotua.
• Euskaraz.
• Bakarkakoa edo taldekoa izan daiteke.

Nolako proiektua izan daiteke?

• Proiektua azaldu, 2-4 orrialdetan.
• Ahal bada, erakutsi proiektuaren lagin bat edozein euskarritan.
• Jatorrizkoa edo egokitzapena, euskaraz.
• Formatu txikikoak hobetsiko dira.

Zer eskaintzen da?

• Proiektua gauzatzeko 4.000 € arteko beka.
• Intereseko arloko tutoretza profesionala izateko aukera.
• Beka jaso eta 6 hilabetera ekitaldia estreinatzeko aukera.
• Zure lanaren zabalkundea Araban.

Nork eska dezake?

17 eta 35 urte bitartekoek

• 1. kategoria: 17-24 urte
• 2. kategoria: 25-35 urte
• 3. kategoria: 16-30 urte (sorkuntza arlo ezberdinetako proiektuak)

Non eta noiz aurkeztu?

2019ko uztailaren 2a baino lehen Udalaren Erregistro Nagusian, edo gizarte etxeetako Herritarrak Laguntzeko Bulegoetan. Horrez gain, aintzat hartuko da 39/2015 Legearen 16.4 artikuluan aurreikusitakoa.

Posta elektronikoz bidali nahi izanez gero, E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidean. Kontuz!!!! Horretarako azken eguna ekainaren 28a izango da.

Info +: Gasteizko Udalaren web gunean

Gazte Sortzaileak Beka 2019. Gazteek gazteentzat sortutako ekitaldi kulturalak euskaraz. BIDEOA

Peru Harrira, Leitzara, txangoa antolatu dute Bastidako Gurasolagunek.

Zu ere joan zaitezke, euskaraz ondo pasatzeko gogoa baino ez da behar eta!

Bisita gidatuak bi ordu iraungo du 11:30etik 13:30era eta 8 euroko prezioan bisitaz gain autobusa ere sartuta dago.

Ostean Leitzan bazkaltzeko aukera egongo da.

Izena emateko mezua bidali behar da E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera maiatzaren 16a baino lehen (egun hori barne).

Bastidakoa ez bazara, izena ematerakoan nongoa zaren adierazi, autobusa bertan geratzeko aukera egon dadin.

ANIMATU ETA ZATOZ GUREKIN PERU HARRIRA!

EGIN JAUZI! EUSKARAZ ONDO PASAKO DUGU!

Gaur arratsaldean abiatuko da Garestik (Nafarroatik) Korrikaren 21.edizioa. Arabako Errioxatik datorren asteartean pasako da, apirilaren 9an, arratsaldeko 14:30etik 19:00etara gutxi gorabehera.

Iekoratik sartuko da gure eskualdera. Ostean Viñaspretik pasa eta Lantziegora iritsiko da 15:15ak aldera. Kilometroak aurrera eginez Bilar zeharkatuko du jarraian eta  Guardiarako bidea hartuko du. Gutxi gorabehera 16:20 aldera bisitatuko du hiribildua eta Lezaruntz abiatuko da. Leza atzean utzitza Samaniegorako bidea egingo du tipi-tapa tipi-tapa eta 19:00ak baino pixka bat lehenago Bastidara helduko da.

Datozen egunetan hainbat ekimen antolatu dira herri desberdinetan Korrikaren testuinguruan, baita korrika txikiak ere (*ikusi AGENDA atala)

Apirilaren 14an Gasteizen bukatuko da aurtengo korrika. Bertan irakurriko da eskurik esku lekuko barruan garraiatutako mezua eta ostean jai erraldoiarekin emango zaio amaiera 21.Korrikari.

Kuadrillak martxan jarritako Arabako Errioxako Mintzalagun Taldeak autobusa antolatu du Gasteizera egun pasa joateko. Informazio guztia E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera idatzita emango dizuete. Izena emateko azken eguna apirilaren 11a da, ez utzi azken unerako!

Animatu eta zatoz gurekin KLIKA egitera!! KLIKA KORRIKA! KLIKA EUSKARA!

Datorren martxoaren 24rako txangoa antolatu du Guardiako Gurasolagun taldeak. Lezaunera joango dira BASABERE baserri-eskolara eta nahi duenak izena eman ahal izango du martxoaren 18a baino lehen.

Lezaunera joateko auto partikularrak antolatuko dira, baina hala ere plaza kopuru mugatua dago, bisita gidatua egingo delako bertan.

Bi aukera desberdin daude: bata, bisita gidatua eta zizka-mizka egitea (hau doan izango da) eta bestea, bisita gidatua eta zizka-mizka egiteaz gain bertan bazkaltzea. Haurrentzako prezioa 12 eurokoa izango da eta nagusientzako 17 euro. Nagusiek bazkaltzen duten bitartean haurrak ludotekan egon ahal izango dira begirale euskaldunarekin.

Bisita gidatua 11:00etan izango da etaanimalia-zaintzaile euskaldun batek gidatuko du. Animaliekin harreman zuzena izango dugu eta zaintzailearekin batera animalien zaintza lanen nondik norakoak ikasi eta praktikan jarriko ditugu.

Irteera 2 eta 16 urteko haur eta gazteentzat gomendatua badago ere, edozeinek eman dezake izena. Horretarako E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera idatzi beharko da. Informazio gehiago behar izanez gero ere, mezua bidali helbide horretara.

Apustu handia egiten ari gara Arabako Errioxako begiraleak formatzeko, iruditzen zaigulako zuek zaretela eskualdean euskararen normalizazioan urratsak ematen jarraitzeko gakoetako bat eta etorkizuna zuen eskuetan dagoela!
Beraz, zenbat eta prestatuago egon, iruditzen zaigu aukera gehiago izango duzuela profesionalki eta pertsonalki hazteko.

Doakoa izango da. 3 orduko iraupena izango du. Kuadrillako Egoitzan egingo dugu (Vitoria errepidea, 2. Guardia)
Formazio saio hau espresuki udalekuetako begiraleei zuzendua doa. Udalekuek dituzten ezaugarri eta berezitasunak kontuan hartuta. Baina interesa daukat edonork egin dezake.

Bi data posible jarri ditugu, BAINA BAKARRIK EGUN BATEAN EGINGO DA FORMAZIOA. Jende gehien apuntatzen den egunean egingo dugu, hau da, 21ean EDO 26an egingo da. IZENA EMAN BEHAR DA EKAINAREN 14A BAINO LEHEN.

Animatu eta ez galdu aukera zuen formazioa osatzen jarraitzeko! Doan da, asko ikasiko duzue eta primeran pasa!

Kuadrillako Euskara Zerbitzuak begirale, hezitzaile eta dinamizatzaileei zuzendutako formazio saioa antolatu du.

Eskola orduz kanpo haurrekin lan egiten baduzu seguruenik euskararen erabilera zure arduretako bat izango da.

Ikastaro hau eskola orduz kanpoko jardueretan haurrekin lan egiten duzuen hezitzaileontzat zuzendutakoa da bereziki. Besteak beste: kirol jardueretakoak, antzerkia moduko jardueretakoak, eskoletan eguerdietan patio orduetako dinamizatzaileak, edota hizkuntza-errefortzu saioetakoak. Hau da: haurrei zuzendutako jarduerak eta izaera aktiboa dutenak dinamizatzen dituzuenontzat. 

Helburuak eta edukiak:

Euskararen erabilera sustatzeko hainbat ideia eta adibide aurkeztuko dira ikastaroan. Oinarri batzuetatik abiatuta, baina tarte handiena adibideak ikusteko erabiliko da. Hauek dira landuko diren edukiak:

Oinarriak: euskararen erabilera sustatzerakoan kontuan izan beharrekoak.

Hizkuntza-jolasak: horien ezaugarriak eta hainbat adibide.

Jardueretan hizkuntza-errutinak: horien ezaugarriak eta hainbat adibide.

Ahobizi jarduerak: eskola orduz kanpoko jardueretara egokitzeko modua eta adibideak.

Saioaren ezaugarriak

Hiru orduko saioa izango da eta euskaraz egingo da

Lapuebla de Labarkako Assa ikastolan egingo da

Maiatzaren 21ean izango da, 16:00etatik 19:00etara

Doakoa izango da

      Ebete hizkuntza-zerbitzuetako teknikari batek dinamizatuko du

Aldundiak diruz-lagundutako jardueretan lan egiteko ezinbestekoa da horrelako formazio saio bat, gutxienez eginda izatea

Izen-emateko mezua bidali behar da E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera maiatzaren 17a baino lehen.

Plaza kopurua mugatua izango da eta izen-emate ordena errespetatuko da plaza guztiak betez gero.

Joan den asteartean, apirilaren 9an, pasatu zen Arabako Errioxako lurretatik Korrikaren 21. edizioa.

Arratsaldeko 15:00ak aldera sartu zen Arabako Errioxara Meanotik zetorren lasterketa herrikoia eta 19:15 aldera iritsi zen Bastidara, handik Urizaharrarako bidea hartzeko.

Jende andana batu zen euskararen aldeko zita honetara eta lekukoak eskurik esku bere ibilbidea egin zuen. Mahasti arteko kilometro zoragarriak egin zituen Korrikak gure lurraldetik. Euskarak Arabako Errioxan etorkizuna baduela ikusi ahal izan genuen haur eta gazte askok erakutsi baitzuten euskararekiko duten konpromisoa, baita guraso eta pertsona helduek ere. Haiek dira gaztetxoen eredu eta haien ahalegin eta esfortzuarekin lortu dute Arabako Errioxan euskara bizirik mantentzea.

Hunkigarria izan zen hainbeste jende batu izana tipi tapa tipi tapa korrika egitera! Pozgarria da denok bat egitea helburu berdin batekin.

Mila esker eta zorionak bidean zaudeten guztioi: musikari, nekazari (traktore eta guztia), ardogile, irakasle, ikasle, guraso, kirolari, dantzari, suhiltzaile, langile, gazte eta ez hain gazteei. Eta eskerrik asko batez ere, hilabeteak lanean egon zareten pertsona guztiei, Korrikaren atzean lan handia dago eta zuek gabe ez litzateke posible izango. Mila esker!

Korrika etorri eta joan egiten da, baina euskarak 365 egun ditu. Jarrai dezagun euskararen alde eta euskaraz egiten! Animo eta bejondeizuela!

Gora zuek eta gora Arabako Errioxa euskaldun eta euskaltzalea.

Irudi ederrak utzi zizkigun Korrikak! Flickr bilduma honetan topatuko dituzue guztiak kilometroz kilometro.

Goza ezazue une horiek bergogoratuz!

Eta ez ahaztu igandean Gasteizera joateko autobusa antolatu dutela Arabako Errioxako Mintzalagunek. Oraindik garaiz zaudete izena emateko. Kartela

Joan den igandean Nafarroara txangoa egin zuten Guardiako Gurasolagun taldeak antolatuta hainbat haur eta gurasok. Lezaunen dagoen baserri-eskolan bisita gidatua egin zuten. Animaliak ezagutu, zaindu eta jaten emateko aukera ere izan zuten.

Egunari amaiera borobila emateko denok elkarrekin bazkaldu zuten eta jolasean ibili ziren.

Primeran pasa zuten!! Argazkiak ikusi besterik ez dago!

Udako jolas txokoei begira jarri da Guardia-Arabako Errioxako Kuadrilla eta begiraleak kontratatzeko prozesua abian jarri du.

Era berean, begiraleen lan-poltsa bat eratuko da etorkizunean sor daitezkeen antzeko postuak betetzeko. Izan ere, begirale beharra egon ohi da eskolaz kanpoko ekintzetarako, ludoteketako ordezkapenetarako eta abar.

Eskaerak aurkezteko azken eguna apirilaren 6a izango da. Jarraian dauden dokumentuetan informazio guztia aurkituko dute lan-poltsan sartzeko interesa dutenek.

begiraleak kontratatzeko oinarriak284.42 KB

ERANSKINA_ESKAERA268.17 KB